ABŞ lideri Co Bayden Maya Sandunu yenidən Moldova Prezidenti seçilməsi münasibətilə təbrik edib.
Ağ Ev ABŞ liderinin həmin bəyanatını yayıb.
“Bazar günü Moldova xalqı seçki məntəqələrinə getdi və prezident Sandunun təhlükəsiz, firavan və demokratik ölkə vizyonuna səs verdi”,- bəyanatda qeyd olunub.
Baydenin sözlərinə görə, Moldova vətəndaşları referendumda ölkənin Avropa İttifaqına daxil olmaq istəklərini təsbit edən Konstitusiyaya düzəlişi dəstəklədikdən iki həftə sonra Sandunu yenidən seçiblər.
Xatırladaq ki, noyabrın 3-də Moldovada prezident seçkilərinin ikinci turu baş tutub. Seçkidə ölkənin hazırkı Prezidenti Maya Sandu 55,33 faiz səslə qalib gəlib. Onun rəqibi, ölkənin keçmiş Baş prokuroru Aleksandr Stoyanoqlo isə 44,67 faiz səs toplayıb.