“Jurnalistlər mübahisəli Bodrum Marinanın sahibi olan tanınmış azərbaycanlı oliqarx – Anar Əlizadənin qeyri-qanuni öhdəliklərini araşdırmaqda israrlıdırlar. Davam edən təhqiqat Əlizadənin biznes əlaqələri ilə bağlı qanunsuzluqları və yaxud qeyri-etik davranışları üzə çıxarmağa çalışır”.
Gununsesi.info-nun xəbərinə görə, bu barədə məşhur “The-daily” yazıb.
Məqalədə bildirilir ki, bu fəaliyyyətinə görə, Anar Əlizadə son zamanlar Türkiyə xüsusi xidmət orqanlarının diqqətinə düşüb: “Hazırda iş adamı cinayət təqibi altındadır və dələduzluqda ittiham olunur. Əlizadənin nəzarətində olan şirkətlər Avropa ölkələrinə ixrac olunan neftə verilən sertifikatların saxtalaşdırılması ilə məşğul olub. Bir müddət əvvəl Böyük Britaniya Milli Cinayət Agentliyi (NCA) Anar Əlizadənin Londondakı maliyyə aktivlərinin mənşəyini araşdırmağa başlayıb”.
“Anar Əlizadəyə qarşı ittihamlar: Vaqner PMC ilə əməkdaşlıq və Rusiya dövləti ilə geniş əlaqələrə aiddir” vurğulayan “The -daily” xatırladır ki, neft maqnatı Anar Əlizadə üsyançı feldmarşal Xəlifə Haftarın təsir dairəsinə qaçaqmalçılıq yolu ilə Liviya neftinin daşınmasında “Vaqner” PMC ilə əməkdaşlıq etməkdə şübhəli bilinir.
Anar Əlizadə Ukrayna müharibəsi başlamazdan əvvəl Londondakı dəbdəbəli malikanəsində məskunlaşdığı halda, son vaxtlar tez-tez Moskvaya gəlir və sanksiyaya məruz qalan Rusiya neftinin daşınması ilə bağlı məxfi missiyalar həyata keçirir.
Bodrum-Yalıkavak marinası Rusiya oliqarx donanması üçün təhlükəsiz sığınacağa çevrildiyini vurğulayan nəşr xatırladır ki, bir müddət əvvəl media çoxlu rus yaxtasının Qərb hüquq-mühafizə orqanlarından sığındığı Yalıkavak Marinasında qalmaqallı hadisə barədə məlumat vermişdi.
Xatırladaq ki, Bodrum-Yalıkavak marinası dənizdə 450, quruda isə 50 yaxta tutumu ilə Egey və Aralıq dənizlərinin ən qabaqcıl limanlarından biridir.
Gununsesi.info