Dunyaxeber.org a verilən məlumata görə 27 Dekabr 2022-ci il tarixində, saat 14:00-da Sumqayıt şəhər Poeziya Evində mərhum şair Hacı Ərşad Hacı Bədəllinin 85 illik yubileyinə həsr olunan xatirə gecəsi keçirilib.
Tədbirin aparıcıları – Amil Babayev və Əminəxatun Qədeşova iştirakçılara mərhum şairin ömür yolu və lirik yaradıcılığı haqqında geniş məlumat verib.
Prezidentin fərdi təqaüdçüsü, şair Ofelya Babayeva, Qubadlı rayon İcra Hakimiyyətinin təmsilçisi Nizami Əhmədov, filologiya elmləri doktoru, professor, şair Rafiq Yusifoğlu, Qubadlı rayon Mərkəzi Xəstəxananın direktoru Yaşar Həsənov, Azərbaycan Yazıçılar Birliyinin Poeziya seksiyasının rəhbəri İbrahim İlyaslı, Azərbaycan Yazıçılar Birliyinin Sumqayıt bölməsinin sədri Gülnarə Cəmaləddin, uzun illər Qubadlı rayon Maarif müdiri işləmiş Afət Hamısıahverdiyeva, Azərbaycan Yazıçılar Birliyinin Qubadlı bölməsinin sədri Namiq Məna, filologiya üzrə fəlsəfə doktoru, şair Adilə Nəzər, Qubadlı rayon YAP sədri Təhmasib Rüstəmov, yazıçı Əyyub Qiyas, Əməkdar müəllim Ədalət Əsədov, şair Akif Amal, Sumqayıt şəhər 15 saylı tam orta məktəbin direktoru Elmira Yaqubova, qəzəlxan Lilpar Cəmşidqızı, Qarabağ qazisi Akif İdrisov, Ərşad müəllimin yaxın dostu Vahid Əliyev, şair Mirsədi Mirlər çıxış edərək Ərşad müəllimlə bağlı xatirələrini bölüşüb, şeirlərindən söhbət açıb.
Sumqayıt RMİ-si rəisinin müavini İlham Əhmədov, N.Nərimanov adına Sumqayıt şəhər Mədəniyyət Mərkəzinin direktoru Samir Şəfiyev, MİHİ Sumqayıt şəhər təşkilatının sədri Şahin Şəfiyev, Azərbaycan Jurnalistlər Birliyinin Şərqi Zəngəzur bölməsinin sədri Qafqaz Əvəzoğlu, Şair Kəramət Əmirli, yazıçı Hümbət Həsənoğlu, şair Xan Rəsuloğlu, yazıçı Arif Ərşad, Qarabağ qazisi İmadəddin Səlimov, şair Vüsal Ağa da tədbirə qatılanlar sırasında olub.
Ərşad müəllimin həyat yoldaşı və övladları da tədbirdə iştirak edib.
Tədbir boyunca Ərşad müəllimin şeirləri səsləndirilib, musiqiyə yer verilib. Ərşad müəllimin şeir kitabları oxuculara hədiyyə edilib.Sonda xatirə şəkili çəkilib.
Dunyaxeber.org
