27 iyul 2022-ci il tarixində Qax Rayon Heydər Əliyev Mərkəzinin və Qax Rayon Mədəniyyət Mərkəzinin birgə təşkilatçılığı ilə Şəhid Ailələri,Qazilər və Müharibə iştirakçıları üçün təşkil olunmuş “Ölümsüzlüyə ucalanlar” başlıqlı tədbir keçirilmişdir.Tədbirdə Silahlı Qüvvələrin Ali Baş Komandanı,Ölkə Prezidenti Cənab İlham Əliyevin əmri ilə 27 sentyabr 2020-ci ildə başlayıb 8 noyabr 2020-ci ildə Böyük Zəfərlə başa çatan 44 günlük Vətən Müharibəsində böyük fədakarlıqla vuruşaraq şəhidlik zirvəsinə ucalan İgid,Vətənpərvər Oğulların Valideynləri,Əzizləri və Yaxınları,Şəhid həyat yoldaşları, Qazilər və Müharibə iştirakçıları,müxtəlif təşkilatların nümayəndələri iştirak edirdilər.Tədbirin aparıcısı Qax Rayon Mədəniyyət evinin əməkdaşı Vüsalə xanım idi.Başqa tədbirlərdən fərqlənən bu qürurverici tədbirdə Qax Rayon Heydər Əliyev Mərkəzinin direktoru Nərminə Omarova,Qax Rayonun ictimai-siyasi,sosial və mədəni həyatını öz səhifələrində əks etdirən “Şəlalə” qəzetinin redaktoru Xavər Əfəndiyeva,Şəki Regional Mədəniyyət Idarəsinin Qax Rayonu üzrə nümayəndəsi Dilarə Əzizova,şəhid qardaşı,Yeni Azərbaycan Partiyası Qax Rayon Təşkilatının sədri Natiq Hamısıahverdiyev, Şuşa Fatehi, Şəhid Asəf Ağayevin Atası Abid Ağayev,Şəhid Anar Qarayevin Atası Çingiz Qarayev,Müharibə iştirakçısı Fərid Kərimov çıxış etdilər.Qax Mədəniyyət Mərkəzinin rejissoru Gülşad Paşayevanın və Qax 2 saylı kitabxananın əməkdaşı Aygül Rəhimlinin söylədiyi şeirlər tədbir iştirakçıları tərəfindən çox bəyənildi.Tədbirdə Qax Rayon Mədəniyyət işçilərinin hazırladığı”Xarıbülbül” kompozisiyası çox maraqlı idi.Qax Rayon 2 saylı məktəb-liseyin ibtidai sinif müəllimi Dünya Məmmədovanın qələmə aldığı”29 Şəhid,29 Bənövşə” şeri onun öz ifasında səsləndi və monitorda tədbir iştirakçılarına təqdim olundu.Yazıçı İlqar Fəhminin qələmə aldığı “Balaca kişilər” qısametrajlı filmi də çox təsirli idi.Tədbir iştirakćıları həmin filmi də çox böyük maraqla izlədilər.Tədbir boyu İgid Şəhidlərimizin şəkilləri və hər bir Şəhidimiz haqqında məlumat monitorda tədbir iştirakçılarına nümayiş olundu.Tədbirdə Qax Rayon İcra Hakimiyyətində Şəhid Ailələri ilə işin təşkili şöbəsinin müdiri Malik Həmzəyev, “Dünya” Ana və Uşaqlar İctimai Birliyinin Sədri Dünya Əliyeva,sədrin müavini Səriyyə Vəlizadə,”Dünya”Ana və Uşaqlar İctimai Birliyinin Qax Təşkilatının sədri Solmaz Əfəndiyeva da iştirak edirdi.Tədbirin sonunda yekun olaraq çıxış etmək üçün söz Qax Rayon İcra Hakimiyyətinin humanitar və ictimai-siyasi şöbəsinin müdiri Vəfa Heydərovaya verildi.Onun dərin məzmunlu çıxışı tədbir iştirakçıları tərəfindən çox bəyənildi.Sonda tədbirin mötəbər iştirakçıları üçün çay süfrəsi təşkil olundu.Tədbir xatirə şəkilləri ilə yaddaşlara əbədi həkk olundu.
Dünyaxəber.org Solmaz Əfəndiyeva
