Dünyaxəbər.org xəbər verir ki, 25 iyul 2022-ci ildə Şəhid Nihad Mövlüd oğlu Abbasovun cənnətdəki ikinci doğum günü kimi qeyd olundu.
Nihad Mövlüd oğlu Abbasov 2000-ci ilin 25 iyulunda Qax rayonunun İlisu kəndində anadan olub.2007-2018-ci illərdə Nizami Gəncəvi adına İlisu kənd tam orta məktəbində təhsil alıb.Subay idi.O,2018-2020-ci illərdə Azərbaycan Silahlı Qüvvələrinin sıralarında müddətli hərbi xidmət qulluqçusu olub.2020-ci ilin Tovuz döyüşlərindən sonra öz istəyi ilə Qax Hərbi Komissarlığına müraciət edib və Mingəçevir şəhərində yerləşən “N” saylı hərbi hissədə “baş əsgər” hərbi rütbəsində müddətdən artıq həqiqi hərbi xidmətdə olub.
Azərbaycan Silahlı Qüvvələrinin baş əsgəri olan Nihad Abbasov 2020-ci ilin 27 sentyabrında başlayan və 2020-ci ilin 8 noyabrında Böyük Zəfərlə başa çatan 44 günlük Vətən Müharibəsində Ermənistan tərəfindən işğal olunmuş torpaqlarımızın azad olunması uğrunda gedən döyüşlərdə iştirak edib.
Nihad Mövlüd oğlu Abbasov Tərtərin Suqovuşan və Talış kəndlərinin düşmən tapdağından azad olunması uğrunda gedən döyüşlərdə vuruşub.O,oktyabrın 9-da Ağdərə istiqamətində gedən döyüşlərdə şəhidlik zirvəsinə ucalıb.
Qax rayonunun İlisu kəndində dəfn olunub.
25 İyul 2022-ci il tarixində Şəhidin cənnətdəki ikinci doğum günündə Qax Rayon ictimaiyəti,Qax Rayon İcra Hakimiyyətində Şəhid Ailələri ilə işləyən şöbənin müdiri Malik Həmzəyev,Şəki Regional Mədəniyyət İdarəsi nəzdində Qax Rayon Mədəniyyət şöbəsi üzrə nümayəndəsi Dilarə Əzizova,Qax Rayon C.Cabbarlı adına Mərkəzi Kitabxananın direktoru Güllü Əhmədova,Qax Rayon Mədəniyyət Mərkəzinin direktoru Kəmalə Məcidova,”Dünya” Ana və Uşaqlar İctimai Birliyinin Sədri Dünyaxanım Əliyeva,sədr müavini Səriyyə Vəlizadə,”Dünya” Ana və Uşaqlar İctimai Birliyinin Qax Təşkilatının sədri Solmaz Əfəndiyeva,həmin ictimai birliyin Zaqatala şöbəsinin sədri Xanım Nurullayeva, Dünyaxəbər.org saytının müavini Fərid Sulxayev,İlisu tam orta məktəbinin direktoru Aybəniz Məmmədova,direktor müavini Elmira İbrahimova,Milli Qəhrəman Cavanşir Rəhimovun Anası Lalə Rəhimova və Şəhid Anaları iştirak edirdilər.
Dünyaxəber.org Solmaz Əfəndiyeva
