Yeni Azərbaycan Partiyası (YAP) tərəfindən Sumqayıt şəhəri üzrə namizədliyi irəli sürülmüş Nərmin Mehdiyeva Bələdiyyələrə seçkilərin təbliğat-təşviqat kampaniyası çərçivəsində Sumqayıt şəhər Nəriman Nərimanov Mədəniyyət Mərkəzində seçicilərlə görüşünü keçirib.
Görüşü giriş sözü ilə açan YAP – namizədi Nərmin Mehdiyeva ölkəmizdə alternativsiz siyasi qüvvə olan Yeni Azərbaycan Partiyasının əvvəlki seçkilərdə olduğu kimi bələdiyyə seçkilərində də qalib gəlmək əzmində olduğunu vurğulayıb və ölkəmizin qazandığı böyük nailiyyətlər haqqında danışıb.
O, YAP-ın Azərbaycan dövlətçiliyinin inkişafında mühüm xidmətlərini vurğulayıb, hazırda ölkəmizdə xalqla iqtidar arasında sarsılmaz birlik olduğunu deyib.
Görüş zamanı seçicilər yeni qələbələrin təmin olunması üçün Azərbaycan xalqının 29 yanvar bələdiyyə seçkilərində öz səsvermə hüquqlarından yararlanaraq YAP namizədlərini dəstəkləyəcəklərini vurğulayıblar.
XeberEkspress.az
