Məlumat üçün bildiririk ki, 1 avqustdan başlayaraq Azərbaycan Respublikası Milli Qəhrəmanlarını Tanıtma İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Azərbaycanın Milli Qəhrəman və Vətən Müharibəsi Qəhrəmanlarının gənclər arasında tanıdılmasına ictimai dəstək” layihəsinin icrasına başlamışdır. Layihə çərçivəsində 28 oktyabr 2024-cü il tarixində Yeni Azərbaycan Partiyasının Nərimanov Rayon Təşkilatının binasında Bakı şəhərinin Nərimanov və Nizami rayonlarının 20, Yevlax Rayonunun 20 və Bərdə rayonunun 20 təhsil ocaqlarında Milli Qəhrəmanlar guşəsinin yaradılması barədə hesabatın verilməsi ilə yanaşı, layihə şərçivəsində çap edilmiş “Şəhid Vətən Müharibəsi Qəhrəmanları” adlı kitabının təqdimatı keçirilmişdir. Təqdimatda Azərbaycanın Şəhid Milli Qəhrəman və Şəhid Vətən Müharibəsi qəhrəmanlarımızın ailələri, Vətən Müharibəsi Qəhrəmanlarımızdan İsrayılov Raqif İbadulla oğlu, Bağıyev Mirdamət Səristan oğlu, millət vəkillərindən Mirzəzadə Aydın, İskəndərov Vüqar, QHT-lər üzrə ekspert Emil Seyidəliyev və Qarabağ qaziləri iştirak etmişlər.
Tədbirdə, öncə Azərbaycanın ərazi bütövlüyü uğurunda canlarını fəad edən şəhidlərimiz bir dəqiqəlik sükutla yad edilmişdir.
Azərbaycan Respublikası Milli Qəhrəmanlarını Tanıtma İctimai Birliyinin sədri Elşən Uluxanlı çıxış edərək layihə haqqında məlumat vermişdir: “Layihə çərçivəsində Bakı Şəhərinin Nərimanov rayonu, Yevlax rayonu və Sumqayıt şəhərində guşələr yaradılıb. Çap edilmiş “Şəhid Vətən Müharibəsi Qəhrəmanları” adlı kitab təhsil ocaqlarının kitabxanalarına təqdim edilərək tədbirlər həyata keçirilib”.
Tədbirdə çıxış edənlər yeniyetmə və gənclərin vətənpərvərlik ruhunda tərbiyə olunmasında lahiyənin əhəmiyyətini xüsusi vurğulamışlar.
Tədbirin sonunda iştirakçılara “Şəhid Vətən Müharibəsi Qəhrəmanları” adlı kitabdan bir nüsxə hədiyyə edilmişdir.
