Ukrayna prezidentinin ofisinin rəhbəri Andrey Yermak ABŞ vitse-prezidenti Kamala Harrisin milli təhlükəsizlik üzrə müşaviri Filip Qordonla telefonla danışıb.
Bu barədə Ukrayna prezidentinin saytında məlumat verilib.
Bildirilib ki, Yermak Ukraynanın hava hücumundan müdafiə sistemlərinin Qərb sistemləri ilə gücləndirilməsinin vacibliyini bəyan edib. Tərəflər həmçinin Vaşinqtondan Kiyevə gələcək dəstəyi, cəbhədəki vəziyyəti müzakirə ediblər. Yermak və Qordon iyun ayında İsveçrədə keçirilən “sülh sammiti”nin nəticələri barədə də danışıblar.