Ukrayna Müdafiə Nazirliyinin Baş Kəşfiyyat İdarəsinin rəhbəri Kirill Budanovun Rusiya prezidenti Vladimir Putinə qarşı təşkil etdiyi sui-qəsd cəhdləri ABŞ-nin vəsaiti hesabına hazırlanıb.
Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova “Telegram” kanalında yazıb.
Diplomat qeyd edib ki, Budanov Kiyevin Putinə sui-qəsd cəhdlərini açıq şəkildə etiraf edib.
“Bu sui-qəsd yenə də Amerika pulu ilə hazırlanıb”, – deyə o vurğulayıb.
Qeyd edək ki, Ukraynanın Dövlət Kəşfiyyat Xidmətinin rəhbəri Kirill Budanov Ukraynanın “Yeni səs” nəşrinə müsahibəsində “Putinin həyatına sui-qəsdlər olub, lakin gördüyünüz kimi, onlar uğursuz alınıb” deyə etiraf edib.