Bakıda görünən “naməlum obyekt” Rusiyanın raketi imiş – VİDEO
Rusiyanın Kapustin Yar poliqonundan qitələrarası ballistik raketin sınaq buraxılışı həyata keçirilib.
“Unikal” xəbər verir ki, bu barədə Rusiya Müdafiə Nazirliyi məlumat yayıb.
Məlumata görə, Həştərxan vilayətindəki 4-cü poliqondan qitələrarası ballistik raket uğurla buraxılıb.
“Əldə edilən nəticələr Rusiya Federasiyasının strateji təhlükəsizliyinin təmin edilməsində Rusiya raketlərinin yüksək etibarlılığını təsdiqləyir. Raket buraxılışının tapşırıqları tam şəkildə yerinə yetirilib”, – məlumatda deyilir.
Qeyd edək ki, az öncə Azərbaycan, Rusiya və İran səmalarında “naməlum obyekt”in görüldüyü ilə bağlı sosial şəbəkələrdə görüntülər yayılmışdı.
