Rusiyanın Daxili İşlər Nazirliyi Estoniyanın Baş naziri Kaya Kallası axtarışa verib.
“Qafqazinfo” Rusiya mediasına istinadən xəbər verir ki, bu barədə məlumat qurumun axtarış bazasında yer alıb.
Rusiya mediası bununla belə ölkənin istintaq orqanlarının Kallas barədə cinayət işinin başladıldığı barədə məlumat yaymadığını qeyd edib.
Baş nazirin axtarışa verilməsinin mümkün səbəbinin Estoniyada sovet heykəllərinin sökülməsi təşəbbüsünün ola biləcəyi vurğulanır.