Kiyev mayın 29-nə keçən gecə kamikadze dronların və qanadlı raketlərin növbəti hücumuna məruz qalıb.
Turkustan.az xəbər verir ki, bu barədə Ukrayna Silahlı Qüvvələrinin Baş Komandanı Valeri Zalujnı teleqram səhifəsində məlumat yayıb.
Onun sözlərinə görə, mayın 29-na keçən gecə Rusiya hərbçiləri Ukrayna ərazisinə 40-a qədər qanadlı raket və 35-ə yaxın pilotsuz uçuş aparatı atıb. Ukrayna hava hücumundan müdafiə qüvvələri 37 raket, 29 hücum təyyarəsi və bir kəşfiyyat aparatını məhv edib.
“Bu gecə rus işğalçıları qanadlı raketlər və pilotsuz hücum təyyarələri ilə Ukraynanın hərbi obyektlərinə və mühüm infrastrukturuna hücum ediblər”, – V.Zalujnı bildirib.
Həmçinin qeyd olunub ki, Rusiya ordusu Xəzər dənizi regionundan havadan buraxılan 40-a qədər “X-101/X-555” qanadlı raketi atıblar. /bakupost.az/