ABŞ-ın Missuri ştatının Qover şəhərində 4 il əvvəl dünyasını dəyişən Vilhelmina Lankaster adlı rahibə məzarından çıxarılıb. Hamını təəccübləndirən odur ki, cansız bədəninə keşiş paltarı geyindirilmiş qadının cəsədi heç bir parçalanma əlaməti göstərmir.
Dunyaxeber.orgxəbər verir ki, 2019-cu ildə ABŞ-ın Missuri ştatında 95 yaşında vəfat edən Vilhelmina Lankaster adlı rahibə 4 il sonra eksqumasiya edilib.
Göstərilmək üçün Benedikt rahibələrinin qurbangahına aparılacaq rahibənin cəsədi mayın 29-dək ziyarətçiləri qəbul edəcək, sonra isə qəbiristanlıqda yenidən dəfn olunacaq.
Eksqumasiyada iştirak edən bir rahibə, “Onu dəfn etdiyimiz kimi dayanmışdı. Onu tamamilə salamat görəndə sevincdən qışqırdıq. Kirpikləri, saçları, qaşları, burnu və dodaqları var idi. Ağzı gülümsəyirmiş kimi görünürdü. Bu bir möcüzədir.”
Eltac/Turkustan.az