38 yaşlı Anar adlı azərbaycanlının onlayn sevgi macərası faciə ilə bitib.
Milli.Az lent.az-a istinadən bildirir ki, əslən Xabarovsk şəhərindən olan 30 yaşlı uşaq həkimi olan Leyla ilə tanış olan Anar, onunla “whatsap”la yazışmağa başlayıb.
Onların münasibəti bir müddət sonra daha da irəliləyib. Amma zaman keçdikcə qadın bu münasibətə son qoymaq qərarına gəlib. Anarın təkidlərinə baxmayaraq, Leyla adlı qadın əlaqələri kəsmək istəyib.
Belə olan halda Anar onun telefonunu zorla əlindən alaraq başqa bir kişiylə yazışıb yazışmamasını öyrənmək istəyib. Leyla müqavimət göstərdikdə isə Anar iki dəfə ona bıçaqla zərbə vurub. Zərbələr ölümcül olmayıb.
Xabarovsk vilayət məhkəməsinin qərarı ilə Anar 6.6 il müddətində azadlıqdan məhrum edilib.