Aprel döyüşlərində şəhid olan Xüsusi Təyinatlı Qüvvələrin giziri Seymur Baxışov 1987-ci ildə Sumqayıt şəhərində anadan olub, 1994-2005-ci illərdə 14 saylı tam orta məktəbdə təhsil alıb, 2006-cı ildə ildə isə hərbi xidmətə yollanıb.
Baku TV Xüsusi Təyinatlı Qüvvələrin giziri Seymur Baxışov haqqında reportaj hazırlayıb.
“2016-cı ilin 27 martında görüşdük. Döyüşlərin başladığını demədi. Təlimə getdiyini dedi. Yola saldım, getdi”, – deyə son görüşlərindən danışan şəhid anası Zenfira Baxışova deyib.
Şəhid anası övladının itkin düşməsi xəbərini televiziyadan öyrəndiyini də qeyd edib.
Şəhidin nəşi aprelin 19-da təmas xəttindən götürülüb. O, doğulduğu Sumqayıt şəhərinin Şəhidlər xiyabanında dəfn olunub.