Biləsuvar rayonunda ağır yol qəzası baş verib.
“Report” xəbər verir ki, hadisə Biləsuvar-Bəhramtəpə avtomobil yolunun rayonun Nəsimikənd kəndindən keçən hissəsində qeydə alınıb.
Belə ki, motosiklet əvvəlcə “Priora” markalı minik avtomobili ilə toqquşub. Daha sonra idarəetməni itirən minik avtomobili “Kamaz” markalı yük avtomobilinə çırpılıb.
Qəza nəticəsində motosikletin sürücüsü 1979-cu il təvəllüdlü Şükürov Yavər İsabala oğlu hadisə yerində ölüb, minik avtomobilinin sürücüsü 1990-cı il təvəllüdlü Ağayev Taleh Balağa oğlu xəsarət alıb.
Yaralı xəstəxanaya çatdırılıb.
Faktla bağlı araşdırmalar davam etdirilir.