“Ortaq türk əlifbası” dərsliyi hansı məktəblərdə tədris olunacaq? – AÇIQLAMA


Beynəlxalq Türk Akademiyası tərəfindən hazırlanan “Türk dünyasının coğrafiyası” və “Ortaq türk ədəbiyyatı” dərslik layihələri üzrə işlər davam etdirilir.

Turkustan.az xəbər verir ki, bu barədə “Trend”in sorğusuna cavab olaraq Elm və Təhsil Nazirliyindən məlumat verilib.

“Həmin dərsliklərin tam orta təhsil pilləsi üzrə seçiləcək pilot məktəblərdə dərsdənkənar məşğələlərə ayrılmış saatlardan bir saatı dərs cədvəlinə daxil edilməklə tədrisi planlaşdırılır.

Bununla yanaşı, 2021-ci il Türk Dövlətləri Təşkilatının Dövlət Başçılarının Zirvə görüşündə qəbul edilən “Türk Dünyasına Baxış 2040” sənədində Türk Dövlətləri Təşkilatına üzv olan ölkələr arasında daha yaxşı əlaqə yaradılması məqsədilə ortaq türk əlifbası hazırlanması hədəflənib.

Hazırda Türk Dövlətləri Təşkilatına üzv olan ölkələrin, eləcə də Azərbaycanın sahə üzrə mütəxəssisləri (Azərbaycan Milli Elmlər Akademiyasının Nəsimi adına Dilçilik İnstitutunun və Azərbaycan Respublikasının Təhsil İnstitutunun əməkdaşları) cəlb edilməklə ortaq türk əlifbasının hazırlanmasına dair ilkin araşdırmalar və işlər həyata keçirilir”, – deyə məlumatda bildirilib.    






Mənbə